Историјатот на Ракометниот клуб Прилеп сублимира повеќе од пет децении успешна работа, пожртвуваност на теренот на многуте играчи низ годините наназад, посветена работа на сите членови на клубот, поддршка од различни генерации на навивачи, како и успешно справување со предизвиците на времето, почнувајќи уште од учеството во југословенската лига па сè до ден денес. 

Името на нашиот ракометен клуб датира уште од 70-тите години на минатиот век, а по неколкуте промени зависно од соработката со различните спонзори (РК Тутунски комбинат, РК ВИП и РК Златен даб), во 2010 се враќа оригиналното и првично име РК Прилеп.

Од самите почетоци, па понатаму низ годините што следуваат, нашиот клуб бележи доста големи победи и други значајни остварувања како што се: првото место во Купот на Македонија во 2002, второто место во Купот на Македонија во 2000 и 2001, првото место во Втората сојузна лига во Југославија во натпреварувачката сезона 1992/1992, учество во Купот на победниците на Куповите во сезоната 2001/2002, учество во ЕХФ Купот во 2016/2017 итн. 

Денес, РК Прилеп се натпреварува во машката Супер лига. Официјалните дресови на нашите ракометари се во комбинација од жолта и црна боја (на голманите – зелена боја).